鄉村癡根Show

另一部「邊緣」動畫。名叫
Panique et Village
單看圖片你未必能想像這卡通有幾顛，實際上這套來自比利時的得獎作品，可以稱得上是真正的「天馬行空」。
其實這作品每集只有5分鐘，共.有20集。每集就由這條村中的幾條傻佬和幾隻高智慧動物主演。其中Cowboy, Indian 和一隻馬住在一間屋，很有斷背山feel，不要以為隻馬是普通畜生，其實佢識講人話，識整蛋糕，而且響屋企好有威嚴，似係兩個人類的大佬多D。故事極之無厘頭,卻又好有創意，而且有強烈的幽默感。雖然背景是鄉村，但其實有時會跳上太空，有時鄉村會變disco，按摩椅變火箭…總之最唔「啦更」的他們就會放在一起。
其中一集講太空中一粒隕石掉下，跌左著cowboy早餐碗湯，cowboy唔知食左落肚，隕石產生化學作用，令cowboy得了躁狂症。在隻馬和Indian溫馨地整蛋糕時，搗亂一番，馬和indian無辦法，避得就避，但cowboy仍癡晒線在村內搗亂…

老實講，睇慣日本美國的大路動畫，現今動畫動畫迷可說是食慣好野，要可愛有可愛，要3D 有3D，對一些古舊或稍為不漂亮的都很難心動。但
Panique et the Village的fans，偏偏就中意呢套野的low-tech feel，兩位creators是憑著在flae market 買回來的幾個塑膠公仔當主角，逐格逐格的移動和拍下動作，所以你見到Indian永遠拿著長槍，cowboy的動作都唔變，遇有需要的話，導演就不擇手段，將佢地不跟比例的改裝，所以有時佢地轉動作時，手手腳腳會變大好多，好似食左大力菜咁，不講究靚唔靚，只求達到目的。加上stop-motion拍得很快，令佢地的動作更加滑稽，令觀眾大笑又會大叫「癡很線」！
不要睇少這套low-tech卡通，其實佢已經得過動畫獎項，已去年更已被Nickelodeon Network買下美國播映權。講藝術有藝術，講商業夠商業。










呢兩位就係此動畫導演，仲有佢地.在studio內建造的village景。

我知道已經出了DVD，不過香港就唔知有無得賣…識得我的可以問我借盒VHS黎睇…話時話，世界盃時，半場無野做一班人睇下幾集間場，笑下，可以緩和緊張氣氛。
官方網頁有小小clips睇，亦有village wallpaper：
http://www.paniqueauvillage.com/Public

再幽一默，這部卡通的DVD盒上介紹…`There is a cowboy, named `Cowboy, an Indian named `Indian, and a bear named `Bear'...'